Kryetari i Kryesisë së Bashkësisë Islame të Kosovës, Myftiu Naim ef. Tërnava, priti sot në takim kryetarin e Këshillit të Bashkësisë Islame të Dragashit Driton ef. Qengaj, i cili shoqërohej nga sekretari i këtij këshilli Nail ef. Halimi.
Myftiu Tërnava falënderoi Këshillin e Bashkësisë Islame të Dragashit për punën që ka bërë gjatë periudhës së pandemisë, e në veçanti për punën e mirë që janë duke bërë me imamët për jetën dhe aktivitetet fetare, si dhe në të mirë të mirëqenies së përgjithshme të popullatës.
Nga ana e tij, kryetari Qengaj e njohu Myftiun me punën e Këshillit në Dragash, me organizimin e jetës fetare, si dhe me vështirësitë e planet e Këshillit për një të ardhme sa më të mirë të të gjithë besimtarëve myslimanë të kësaj komune.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
