Opoja.net

Në sektorin e hotelerisë e turizmit mbetën pa punë 30 mijë persona

Kryetar i Odës së Hotelerisë dhe Turizmit të Kosovës, Hysen Sogojeva ka thënë se është e pakuptimtë që nga 200 milionë euro që janë ndarë në emër të rimëkëmbjes ekonomike, vetëm 3 milionë euro të destinohen për këtë sektor.

Për këtë tha ai Oda e Hotelerisë dhe Turizmit të Kosovës ka refuzuar mjetet e ndara prej tre milionë euro.

Tutje, Sogojeva tha se 30 mijë punëtorë kanë humbur vendet e punës vetëm gjatë pandemisë.

Pas një takimi që patëm me ministrinë e Tregtisë ne u informuam për së afërmi se sa mjete do t’i ndahet sektorit të gastronomisë, turizmit, hotelerisë dhe pamë se janë të caktuar vetëm 3 milionë. Komisioni i tyre që është formuar nëse i përpjesëtojmë me numrin e bizneseve që i takojnë kësaj veprimtarie ka dalë vetëm 175 euro dhe kjo është e pakuptimtë, andaj nuk mund ta pranojmë këtë dhe u dakorduam që të kemi takim me kryeministrin në detyrë dhe në atë 200 milionëshin që është për rimëkëmbje ta marrim një pjesë të cilit i takon këtij sektori që ka qenë më i dëmtuari”, tha ai.

Humbjet janë shumë të mëdha sepse ka qenë ndër sektorët më të atakuar për shkak të masave që janë ndërmarrë deri më sot edhe pse këto masa edhe në qeverinë e parë dhe të dytë janë shpallë antikushtetuese. Prej 30 mijë punëtorëve që janë në këtë sektor diku 50% punëtorë kanë humbur vendet e punës”, u shpreh ai.

Sogojeva theksoi se gjithmonë kanë reaguar sa i përket ndalimit të dasmave.

Ndërsa tani ai thotë se partitë politike po i tubojnë me mijëra qytetarë nëpër salla, e hotele duke shkelur çdo masë që është vendosur nga Qeveria e Kosovës.

Sogojeva tha se do të kërkojnë atë që u takon, ndryshe nuk ka përjashtuar edhe protestat.

Ne gjithmonë kemi reaguar se pse duhet të ndalen dasmat duke llogaritur pse duhet me ndal këtë veprimtari sepse çdo gjë ishte bërë sipas rregullave të cilat ne ia kemi dërguar manualin që do të thotë se me 200 dasmorë nuk kishte për të ndikuar në rritjen e Covidit”, theksoi ai për EO.

Kjo sot çka po shohim ne është absurde sepse nuk ka kuptim as të bisedohet për këtë kur e dimë që sot i kemi me mijëra nëpër salla e mos të flasim duke i dhënë një hapësirë ahengut me 100 vetë. Partitë politike duhet të dënohen sepse në si Odë po dalim në mbrojtje të qytetarëve. Ne do të kërkojmë atë që na takon, subjekteve dhe nëse jo do të shkojmë me masa drastike. Nuk përjashtohet mundësia edhe e protestave/Gazeta Sinjali/

Moti sot i nxehtë dhe me vapë, temperaturat deri në 38 gradë Celsius

Opoja.net

IKSHPK: Shmangni konsumimin e mishit, peshkut e suxhukut

Opoja.net

Ky është viktima nga Prizreni që humbi jetën në aksidentin tragjik në Kroaci

Opoja.net
Agjencia e Lajmeve
www.opoja.net