Autoriteti kontraktues ”Kuvendi i Komunës Dragash” ka nënshkruar sot kontratën për furnizim me reagensa për Covid-19. Operatori fitues i tenderit që do ta furnizojë QKMF-në e Dragashit me teste është ”Biotek Kosovo” L.L.C. – Prishtinë.
Sipas kontratës për furnizim me teste, çmimi total i furnizimit do të jetë 117,430.00 euro.
Komuna e Dragashit, me anë të kësaj kontrate të nënshkruar, pritet të furnizohet me VIDAS SARS–COV-2 IgM dhe VIDAS SARS-COV-2 IgG, me nga 85 pako nga të dy llojet e testeve. Secila pako përmban nga 60 teste dhe çmimi një pakoje kushton 680 euro./Opoja.net/
