Nënshkruhet Memorandum Bashkëpunimi për Hapjen e Rrugëve Lokale në Komunën e Dragashit nga LMT-ja e KFOR-it Turk

Opoja.net Opoja.net Opoja

Me kënaqësi ju njoftoj se sot, në cilësinë time si përfaqësues i Njësisë së LMT-së së KFOR-it Turk në Dragash, kemi nënshkruar një memorandum bashkëpunimi për të koordinuar dhe zbatuar punët e nevojshme për hapjen e traseve lokale në fshatrat Brezne, Zlipotok dhe Bresanë, në Komunën e Dragashit.

Në këtë memorandum, jemi pajtuar që të punojmë së bashku për të realizuar aktivitetet e nevojshme për shtrimin e rrugëve, riparimin e tyre, nivelizimin e terrenit dhe veprimet e tjera lidhur me hapjen dhe mirëmbajtjen e këtyre rrugëve lokale. Në mënyrë specifike, Komuna e Dragashit do të sigurojë shujtën për punëtorët që do të angazhohen në këto projekte, ndërsa edhe karburantet për makineritë që do të përdoren gjatë punimeve.

Në të njëjtën kohë, Njësia e LMT-së së KFOR-it Turk do të japë ndihmën e saj me makineri dhe logjistikë për të ndihmuar në hapjen e këtyre rrugëve lokale. Ky bashkëpunim do të sigurojë resurse shtesë dhe kapacitete për të përmirësuar infrastrukturën rrugore në këtë zonë dhe për të përmirësuar lidhjet dhe aksesin e komunitetit me fshatrat e tjera të Komunës së Dragashit.

Me kënaqësi të veçantë, dëshiroj të njoftoj se punët për hapjen e këtyre rrugëve lokale kanë filluar sot në fshatin Brezne. Kjo është një hap i rëndësishëm drejt përmirësimit të infrastrukturës rrugore në këtë zonë dhe do të ndihmojë në lehtësimin e lëvizjes dhe krijimin e mundësive të reja për komunitetin lokal.

Ne jemi të vendosur të vazhdojmë bashkëpunimin tonë të ngushtë dhe të punojmë së bashku për të arritur qëllimet tona të përbashkëta në përmirësimin e infrastrukturës rrugore dhe mirëqenies së komunitetit të Komunës së Dragashit.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-