Gjykata Themelore në Prizren, të enjten, ka pranuar kërkesën e Prokurorisë Themelore në Prizren, duke ia caktuar masën e paraburgimit në kohëzgjatje prej 30 ditësh, të dyshuarës Nazire Abdyli e cila po dyshohet se vrau kunatën e saj Sahime Domuzet (67-vjeçare).
Gazeta Sinjali ka raportuar në vazhdimësi për rastin e rëndë në fshatin Kuk të Dragashit ku 67-vjeçarja Sahime Domuzetishte për vdekje me mjete të forta nga gruaja e vëllait të saj. Kjo e fundit e ka pranuar se e ka bërë veprën.
E dyshuara e ka pranuar veprën të cilën dyshohet se e ka kryer dhe më pas mjetet të cilat i ka përdorur për vrasjen e kunatës i ka fshehur.
Arrestimi i saj është bërë pas intervistimit për herë të dytë, ku para hetusve policorë ka rrëfyer ngjarjen në tërësi.
Gruaja e cila u rrah për vdekje mëngjesin e se hënës nuk arriti t’u bëjë ballë plagëve nga goditjet e forta dhe për pasojë vdiq. Vdekjen e saj e konfirmoi mjeku në vendin e ngjarjes dhe aty nisi të thellohej tragjedia.
Në trupin e të ndjerës ekipi mjekësor gjeti shenja të dhunës, gjë që ngriti dyshimet për rrethanat e vdekjes së saj.
Prokurori i Shtetit u aktizua menjëherë dhe urdhëroi që trupi i pajetë të dërgohet në IML për obduksion, ku edhe u zbuluan detajet tronditëse.
