Portali Opoja.net, sot, më 17 shkurt, mbush tre vjet të ekzistimit të tij, kohë kjo gjatë së cilës ka vazhduar t’i përmbushë synimet për një gazetari profesionale në shërbim të publikut, duke qenë mbi të gjitha origjinal dhe i besueshëm. Ishim të parët në regjion. Erdhëm më ndryshe. Ofruam një dritare informative që ka në fokus lajmin lokal nga Rajoni i Dragashit, me theks të veçantë duke mbuluar komunat Dragash, Prizren, me publikimin e informacioneve të pavarura në gjuhën shqipe.
“Opoja.net“, lindi si nevojë e domosdoshme për të informuar qytetarët rreth zhvillimeve në Rajonin e Dragashit. Lindi nga kërkesa dhe interesi i vet publikut të kësaj ane. Shumë shpejt, i tejkaloi kufijtë rajonal e u bë adresë e besueshme në mesin e lexuesve kudo. Politikat e pavarura redaktuese, të aplikuara me xhelozi, kanë ndikuar që portali “Opoja.net” të jetë burimi më i besueshëm i lajmeve, qysh në start dhe për të vazhduar edhe sot të jetë ndër portalet më të besueshme. Prapa suksesit të “Opoja.net” qëndron profesionalizmi, paanshmëria, origjinaliteti dhe besueshmëria.
Natyrisht që përgjatë këtyre tri viteve pune të palodhshme kemi pasur shumë sfida, por ato janë tejkaluar të gjitha me punë të guximshme, profesionale, morale…., duke qenë në shërbim të një informimi të drejtë dhe të paanshëm për publikun, për qytetarët, për lexuesit, të cilëve iu dedikohemi.
“Opoja.net” ka dëshmuar më së miri se në rrafshin lokal mund të bëhet gazetari e mirë, profesionale dhe e paanshme, mund të krijohen mediume të fuqishme, që përveç informimit, janë edhe ndikues në zhvillimet e përgjithshme në hapësirën e mbulueshmërisë.
Portali Opoja.net, ka vendosur standarde edhe për krijimin dhe zhvillimin e portaleve të tjera pasi suksesi i tij ka nxitur projekte tjera të ngjashme. Ai synon të vazhdojë të jap kontributin e tij në ngritjen e vlerave në këtë fushë, të një informimi sa më të drejtë dhe të paanshëm për publikun.
Duke kultivuar standardet e larta etike dhe profesionale, që janë karakteristike për “Opoja.net-in”, jemi munduar të jemi adresë për të gjitha llojet e interesimit të lexuesve. Vlerësojmë se në këto tri vite pune dhamë kontributin e rëndësishëm edhe në avancimin e medias sociale dhe po ashtu në avancimin e informimit të lirë dhe të paanshëm.
Portali “Opoja.net“,. shpreh besimin se me profesionalizëm, përkushtim dhe objektivitet, do të arrijë që edhe më tutje ta kryejë punën në mënyrën më të mirë të mundshme, e mbështetur përherë në moton e saj “Jemi të parët”.
Suksesi ynë është ndërtuar mbi besimin që na kanë dhënë lexuesit, përkrahjes së pareshtur nga ta, ndihmën e të cilëve e presim edhe në të ardhmen, që Portali i tyre Opoja.net, të ecën në trend me kohën dhe zhvillimet në fushën e medies.
Prandaj, këshillat, sugjerimet, kritikat, idetë dhe gjërat tjera që vijnë nga Lexuesi ynë, na shërbejnë si platformë mbi të cilën e bazojmë punën tonë të mëtutjeshme në informim të drejtë të opinionin për krejt çfarë ndodh në Rajonin tonë.
Përndryshe, Opoja.net së shpejti do të lansojë platformën e re, Radio dhe Televizioni Opoja dhe me risi të tjera.
Faleminderit Lexues për besimin që keni në ne dhe që vazhdoni të jeni mbështetës yni. Faleminderit Lexues që vazhdoni të na fuqizoni. Faleminderit, bashkëpunëtorë të Opoja.net , biznese, institucione, media, kolegë gazetarë, të gjithë ju që jeni me ne, për të rrugëtuar edhe më tutje, bashkërisht drejt sukseseve.
Faleminderit të gjithëve.
Sinqerisht,
Kushtrim Guraj, Themelues.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
