Nëse dëshiron që zemra jote të jetë si margaritar, atëherë pastroje atë nga ligësia dhe urrejtja
Imam Shafiu (r.h.) ka thënë:
“Nëse dëshiron të jesh
njeriu më i lumtur, atëherë bëje që gjendja jote e gëzimit të jetë në shenjë të
mirënjohjes ndaj Allahut, që pikëllimi yt të jetë në shenjë të durimit, që heshtja
jote të jetë reflektim, që fjalët e tua të jenë dhikër, ndërsa jeta jote të
jetë bindje ndaj Allahut.
Bëhu si zogu i cili në mëngjes
dhe në mbrëmje e gjen furnizimin e caktuar, dhe i cili nuk ka frikë se do të gdhihet
pa nafakë dhe i cili nuk i bën dëm askujt.
Nëse dëshiron që zemra jote të
jetë si margaritar, atëherë pastroje atë nga ligësia dhe urrejtja. Bëhu në këtë
botë si i vetmuar ose udhëtar. Kur të falësh namaz, ji i pranishëm sikur je
duke e falur namazin e fundit. Asnjëherë mos e fol atë për të cilën do të duhet
të kërkosh falje dhe justifikim. Dhe kurrë mos harro se fjalët: Hasbunallahu
ve ni’mel-vekil – (Allahu është i mjaftueshëm për
ne, dhe Ai është mbrojtës i mrekullueshëm!), e shuajnë zjarrin,
e shpëtojnë njeriun e përmbytur dhe ua ndriçojnë rrugën të humburve.”
Përkthim: Miftar Ajdini
(Islampress)
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
