Opoja.net

Policia fsheh aksidentin e bashkëshortes së nënkryetarit të Prizrenit

Kronika

Nxënësja e shkollës fillore “Abdyl Frashëri” në Prizren, F.V. është shkelur nga mësimdhënësja e saj, Visare Kabashi. Aksidenti ka ndodhur të martën e kësaj jave, jashtë hapësirës së shkollës.

Mësimdhënësja Kabashi është bashkëshortja e nënkryetarit të parë të Komunës së Prizrenit, Lulëzim Kabashit.

Policia, ndërkaq nuk e ka raportuar rastin. Ai është fshehur.

Zëdhënësi i Policisë në Prizren, Hazir Berisha, nuk është përgjigjur në pyetjen e PrizrenPress-it, lidhur me këtë aksident, ndonëse pyetjet janë dërguar të enjten.

Drejtoresha e shkollës, Lumnije Rakaj tha se aksidenti nuk ka ndodhur në oborrin e shkollës.

“Nuk ka ndodhur në oborrin e shkollës. Unë jam përgjegjëse e shkollës dhe japë përgjegjësi vetëm për atë cka ndodhë brenda hapësirës së shkollës”, tha shkurt Rakaj.

Ndërkaq, burimet e sigurta të PrizrenPress-it bëjnë të ditur se mësimdhënësja Visare Kabashi , pas aksidentit i ka dalë në ndihmë nxënëses së shkelur.

Ajo, personalisht e ka dërguar me veturë në Spitalin e Prizrenit.

Nxënësja është lënduar në këmbë. Përveç, ndihmës së dhënë ajo bashkë me nxënësit të aksidentuaren e ka vizituar edhe në shtëpi.

“ Familjarët e kanë pritur në shtëpi mësuesen bashkë me nxënësit dhe e kanë mirëkuptuar “, tregon burimi i PrizrenPrss-it.

Sulmohet një polic gjatë inspektimit në një restorant për masat anti-Covid

Merlinda Guraj

Dhuna në familje vazhdon të mbetet problem në gjithë Kosovën

Opoja.net

Shërbimi Korrektues ndalon përkohësisht lirimin e të burgosurve gjatë fundjavave

Opoja.net
Agjencia e Lajmeve
www.opoja.net