Opoja.net

Prizreni dhe Dragashi komunat e vetme që sivjet nuk kanë përfituar grantin e performancës komunale

Prizreni dhe Dragashi komunat e vetme që sivjet nuk kanë përfituar grantin e performancës komunale

Performanca e Prizrenit dhe Dragashit në vitin 2018 ishte e pamjaftueshme për t’i përmbushur kriteret për përfitime në këtë vit nga granti i performancës komunale. Por Rahoveci, Suhareka, Malisheva e Mamusha i kanë përmbushur ato. Madje, Komuna e Rahovecit ka përfituar shumën më të madhe, krahasuar me komunat e rajonit, përkatësisht 255 mijë euro.

Kryetari i Komunës së Rahovecit, Smajl Latifi, tha se granti i performancës komunale është i rëndësishëm për pushtetin lokal dhe qytetarët e Komunës së Rahovecit, pasi që mundëson realizimin e projekteve të interesit publik, raporton KOHA.

ka bërë të ditur se ky grant, në shumën prej 255 mijë eurosh do të shpenzohet për trajtimin e shtretërve të përrenjve, si dhe për ndërtimin e rrugëve lokale në këtë komunë.

Në anën tjetër, monitoruesit nga shoqëria civile kanë pohuar se bazuar në trendin e performimit qysh më herët kanë tërhequr vërejtjen që Prizreni e Dragashi nuk do të përfitojnë nga granti i performancës komunale.

Naim Cahani nga KDI-ja thotë se Prizreni nuk ka arritur që të shpenzojë 75 % të investimeve kapitale, derisa Dragashi pos kësaj sfide është ballafaquar edhe me opinionin e dhënë nga Auditori.

Granti i performancës bashkëfinancohet nga MAPL-ja dhe tre donatorët: Qeveria zvicerane, Qeveria suedeze dhe Qeveria norvegjeze. Granti sivjet në Kosovë do të mbështesë financiarisht zbatimin e 43 projekteve kapitale të 23 komunave përfituese, të cilat kanë arritur t’i përmbushin kriteret kualifikuese.

Në Kukajan automjeti godet biçiklistin dhe ikën!

Opoja.net

Komuna e Dragashit deklarohet për vdekjen e 4-vjeçares

Opoja.net

Mbytet 4-vjeçari në Dragash, ra në lumë derisa po luante me shokët

Opoja.net
Agjencia e Lajmeve
www.opoja.net