Opoja.net

Rruga e Pllajniku është shembur, banorët bllokohen

Rruga e fshatit Pllajnik të Komunës së Dragashit e cili lidhet me rrugën e fshatit Kosavë e pastaj me rrugën kryesore të trevës së Opojës e cila ëshë rregulluar që dy vite është shembur, ndërsa edhe rruga e vjetër nga fshati Xerxe është e bllokur, banorët ndjejen të shqetësuar.

Se punimet në realizimin e shumë projekteve po realizohen shkel e shko, më së miri e dëshmojnë këto foto të rrugës në fshatin Pllajnik të komunës së Dragashit. Kjo rrugë me një solemnitet pompoz, ishte përuruar me 19 gusht të vitit 2013. Përveç drejtuesve më të lartë komunal, në këtë solemnitet kishte marrë pjesë edhe ministri i atëhershëm i Infrastrukturës dhe Transportit, Fehmi Mujota, i cili kishte bërë edhe prerjen zyrtare të shiritit. Ditët e fundit, pas reshjeve të shumta të borës në këtë lokalitet me lartësinë më të madhe mbidetare në zonën e Opojës, bora ka arritur trashësinë prej 40 cm ndërsa asfalti i rrugës së re është çarë dhe deformuar . Banorët që na kanë dërguar këto fotografi, thonë për Opoja.net se nga deformimi i rrugës dhe sasia e madhe e borës, që tre ditë ndodhen të bllokuar. Ata thonë se për këtë shqetësim të tyre, ata kanë informuar organet kompetente komunale të Dragashit, por edhe ministrinë e Infrastrukturës, mirëpo deri sot, thonë ata, asgjë konkrete nuk është ndërmarrë për zgjidhjen e halleve tona, thonë këta banorë për Opoja.net.

15
SONDAZH / Zgjedhjet Lokale
A mendoni se ka keqpërdorime gjatë zgjedhjeve në Dragash ?

Ndryshe, rruga Kosova-Pllajnik është në gjatësi prej 3.3 kilometrave dhe gjërësi prej 5 metrave, ku kostoja e realizimit të projektit kishte vlerën prej 430 mijë eurove. KFOR-i turk e ka ndihmuar këtë projekt me hapjen e rrugës së këtij fshati në bashkëpunim me komunën e Dragashit./Opoja.net/

Kryetari i LDK-së dje qëndroi për një vizitë në Komunën e Dragashit

Opoja.net

19 të vdekur nga COVID-19 në Kosovë, prej tyre 1 nga Dragashi

Opoja.net

Ushtria e Kosovës furnizon me maska mbrojtëse shkollat në komunën e Dragashit

Opoja.net
Agjencia e Lajmeve
www.opoja.net
Fokusi
Shiko
Zgjedhjet
Kontribo
Raporto