Tregon një djalë i ri besimtar: Pas faljes së namazit, teksa po dilja nga xhamia, sytë e mi u ndeshën me sytë e një plaku të nderuar, në një karrige lëvizëse, të cilën e drejtonte një punonjës shërbimi aziatik…
U afrova, i putha kokën dhe i thashë: Lutu për mua, o zotëri!
Plaku, ngriti kokën dhe më pyeti: A e ke babën gjallë? – Po, ia ktheva. Më pyeti sërish: Po nënën, gjallë e ke? – Po, ia ktheva!
Atëherë, me një buzëqeshje, që përzihej me një ndjenjë të fshehtë dëshpërimi dhe mërzitë e moshës, plaku më tha: “Atëherë, ti qenke pasanik i madh! Ruaje pasurinë tënde, o bir..! Djemtë e mi e kanë humbur pasurinë e tyre prej shumë kohësh..!”
Për momentin, ndjeva se i gjithë trupi m’u përshkua nga një e dridhur, pas së cilës, ia putha sërish kokën dhe u largova me kokën ulur, duke mërmëritur me vete: “Ruaje pasurinë tënde, o bir..! Vërtetë, ajo është pasuria më e begatë!”
(Mesazh për çdo djalë të ri e vajzë të re, por jo vetëm: Kontrolloni marrëdhëniet tuaja me prindët tuaj, para se të jetë vonë!)
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
