Opoja.net
Meka Mish

Selmanaj: Në Gorë të Dragashit vepron Serbia! (Video)

Deputeti nga radhët e LDK-së në Kuvendin e Kosovës, Driton Selmanaj, në paraqitjen e tij para deputetëve sot ka përcjellë shqetësimin e tij për gjendjen në krahinën e Gorës së Dragashit.

“Në një pjesë të Dragashit, shteti i Kosovës pothuajse nuk ekziston. Janë 16 fshatra të Gorës që nuk kanë lidhje me Republikën e Kosovës, korrikulat janë të Serbisë, pagat i marrin edhe nga Kosova por edhe nga shteti i Serbisë. Mjeku, në njërin xhep e ka vulën e Kosovës, në tjetrin të Serbisë, varësisht prej pacientit”, tha mes tjerash Selmanaj, sipas të cilit në këtë trevë ka edhe persona që mbajnë armë të gjata.

“Rojet e pyllit atje sillen edhe me armë të gjata, që janë të ngjashëm me rojat e urës që, deri vonë, i kemi pasur edhe në Mitrovicë. Si është e mundur të mos kemi qasje as në jug?. Kjo nuk mund të bëhet pa mbështetjen e liderëve të Prishtinës. Është koha e fundit, kur duhet të shtrihet autoriteti edhe atje”, theksoi deputeti Selmanaj.

Kujtojmë se, paraqitjes së sotme të Selmanajt para deputetëve, i ka paraprirë debati që ai ka zhvilluar me qytetarët e Dragashit ditë më parë, nga ku ka kuptuar se në një pjesë të madhe të trevës së Gorës, shtrihet edhe autoriteti i Serbisë, përfshirë edhe komunën paralele, me seli në fshatin Vraniç.

Pas debatit në Kuvend, Selmanaj i ka thënë redaksisë sonë se nga vizita e tij në Dragash kishte mësuar shumëçka që nuk kishte ditur më parë. “Po të mos e zhvilloja debatin me banorët e kësaj komune, nuk do ta kisha imagjinuar se shteti serb ka ingerenca edhe në këtë skaj të vendit, si në aspektin e pushtetit paralel, ashtu edhe në fushat sociale. Por, është mirë që e kuptova këtë dukuri dhe nuk do të rresht se kërkuari që kjo tolerancë të ndërpritet”, tha Selmanaj për Radio Sharrin.

Mos i humb

Drejtoria e Arsimit në Dragash nuk jep llogari për pagesat jashtë orarit dhe përvojat e punës

Fari Kolloni

Komuna e Dragashit do të blejë disa aparatura për QKMF-në

Fari Kolloni

Disa nxënës të ‘Ruzhdi Berishës’ provojnë veten në arte mediale (Video)

Fari Kolloni

Edhe ‘demokratët’ e Dragashit në Konventën Festive të PDK-së në Prishtinë

Fari Kolloni

Në Dragash u zhvillua turneu i Pehlivanëve

Opoja.net

Konfiskohen disa lopë në Restelicë, u futën ilegalisht brenda Kosovës

Fari Kolloni
Agjencia e Lajmeve
www.opoja.net