Shfaqja e pandemisë ka bllokuar një varg projektesh në Dragash

Opoja
Shfaqja e pandemisë ka bllokuar një varg projektesh në Dragash

Shfaqja e pandemisë ka bllokuar një varg projektesh në Komunën e Dragashit, shumica prej tyre kapitale. Kryetari i komunës, Shaban Shabani, thotë se nëse nuk shpenzohen mjetet e parapara gjatë këtij viti , do shkojnë në suficit.

Është komuna më jugore e Kosovës  dhe ka një buxhet shumë të vogël, por edhe ato mjete që disponon Dragashi këtë vit siç duket nuk do të mund t’i shpenzojë. Përhapja e koronavirusit e ka bllokuar punën në këtë komunë për gati një muaj. Kryetari Shaban Shabani i tha Radio Kosovës, se po qëndrojnë  duar kryq.

“Faktikisht është paralizuar jeta e aktiviteteve  komunale tash e një muaj. Nga Qeveria i kemi rekomandimet të punojmë me staf të reduktuar, dhe prioritet mbeten masat, apo rritja e vigjilencës për koronavirusin” theksoi ai.

Shabani thotë  se për shkak të reliefit gjeografik Dragashi  do mbetet mbrapa me projekte pasi që shtatori e tetori konsiderohen muajt kur është paraparë finalizimi i tyre, sikurse është rruga magjistrale Prizren-Dragash- Brod- Zapllugje.

“Tash për tash jemi të koncentruar tek angazhimet e përgjithshme sipas rekomandimeve të nivelit qendror  dhe uroj të ta përmbyllim këtë fazë me sukses në raport me koronavirusin ndërsa pjesa tjetër do mbetet si shtesë do ketë angazhim më të madh pas muajit maj që po llogaritet si kohë për tejkalimin e situatës shumë të vështirë” thotë Shabani.

E kjo komunë malore këtë vit do i ketë në dispozicion rreth 3 milionë euro për investime.

“Buxheti ynë është shumica  grant qeveritar, por ka raste kur ministritë na ndihmojnë drejtpërdrejt edhe jashtë planifikimeve. Thënë të drejtën kemi pas shpresë  dhe mbështetje nga qeveria e kaluar dhe qeveria e re se do realizojmë projekte me interes të drejtpërdrejtë te qytetari, por kjo situatë  ka rezultuar që ato të interferojnë në realizimin e tërësishëm të projekteve” tha ai.
.
Shabani po mbetet me shprese se projektet e nisura  me mbështetje qendrore do përfundojnë,  por e brengos fakti se mjetet mund të shkojnë në suficit.

“Ne nuk do të arrijmë t’i shpenzojmë mjetet e granteve për investime kapitale për shkak të kohës. Edhe ashtu jemi vonuar,  jemi në situatë kur është e vështirë të bëhet hartimi i projekteve për shkak të rrethanave”,  bën të ditur Shabani.
.
Por, kryetari i Dragashit thotë se prioritet e ka menaxhimin e situatës pas shfaqjes së pandemisë,  ndërsa  thekson se edhe nëse do ketë kthim të mjeteve ato sërish do  të shkojnë në buxhetin e Kosovës, e i cili sërish do rikthehet në investime.

 

Autor: Valbona Musliu , Radio Kosova

Margaritari i fjalës së shkruar në trevën e Opojës, Bedri Halimi

Opoja.net

Fillojnë punimet në ndërtimin e “Kroit të Satos” në Bellobrad

Opoja.net

122 të infektuar me “COVID-19” në Dragash, pasqyrohen rastet aktive, të shëruarit dhe vdekjet

Opoja.net

Mungon i pandehuri, shtyhet seanca për mashtrim të qytetarëve me anë të “Instagramit”

Opoja.net

Këto janë rregullat në oborrin e shkollës, brenda shkollës dhe në klasë

Opoja.net

Hapen shkollat, nxënësit me maska (VIDEO)

Opoja.net
Agjencia e Lajmeve
www.opoja.net