Kryeministri i Kosovës, Albin Kurti ka udhëtuar sot drejt Bratisllavës ku do të marrë pjesë në konferencën për sigurinë globale, Globsec.
Gjatë pjesëmarrjes së tij në këtë konferencë, Kurti do të takojë edhe emisarët e BE-së, Josep Borrell dhe Miroslav Lajçak.
Kështu ka bërë të ditur për Telegrafin, zëdhënësi i Qeverisë, Përparim Kryeziu.
“Kryeministri Kurti po merr sot pjesë në ditën e fundit të Konferencës për Siguri Globale në Bratislavë. Ndër të tjerash, atje do të takojë Përfaqësuesin e Lartë të BE-së, Borrel dhe emisarin e BE-së, Lajçak si dhe do të jetë pjesë e disa paneleve të diskutimit”, tha Kryeziu.
Ai shtoi se Kurti brenda ditës do të kthehet sërish në Kosovë.
Kryeministri pritet të mbajë një diskutim për të ardhmen e Kosovës rreth orës 11:20 në kuadër të kësaj konference.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
