Tensionet në Veri të Kosovës, NATO vendos në gatishmëri të lartë edhe një batalion rezervë

Opoja.net Opoja.net Opoja

Tensionet e fundit të shkaktuara qysh nga dita e 27 e majit, kanë bërë që NATO të sjell në Kosovë 700 trupa shtesë, për të shtuar sigurinë në Kosovë.

Përveç këtyre 700 trupave, Aleanca Veri-Atlantike ka vendosur në gatishmëri të lartë edhe një batalion tjetër rezervë nëse do të jetë e nevojshme.

Këtë e ka konfirmuar Admirali i NATO-s, Stuart B Munsch gjatë një takimi me komandantin e KFOR-it në Kosovë.

Munsch ka zbarkuar sot në Kosovë dhe është takuar gjithashtu edhe me ambasadorët e QUINT-it për të diskutuar de-eskalimin dhe kthimin në normalitet.

“Diskutimet e tyre përfshinin dislokimin e 700 trupave shtesë nga batalioni rezervë i thirrur në Kosovë nga NATO për të normalizuar situatën dhe për të garantuar sigurinë, si dhe dislokimin e mundshëm të një batalioni tjetër rezervë që është vendosur në gatishmëri të lartë në rast se nevojiten trupa shtesë”, thuhet në njoftimin e NATO-s.

//

Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.




- Reklama-
- Reklama-