Një vajzë në Prizren ka tentuar t’i japë fund jetës së saj, pasditen e djeshme në rrugën “Wesley Clark”, raporton Gazeta Sinjali.
Burime të Gazetës Sinjali brenda Prokurorisë Themelore në Prizren kanë bërë të ditur se ajo ka provuar ta kryejë këtë akt duke marrë sasi të tepruar të barnave për qetësim.
Këto burime i kanë thënë Sinjalit se vajza kishte qenë në një kafeteri kur mori barnat për t’u qetësuar, për shkak se ishte shqetësuar nga një mosmarrëveshje që kishte pasur me të dashurin e saj.
Sinjali merr vesh se ajo është dërguar për trajtim mjekësor në Emergjencën e qytetit, ku aktualisht është duke u trajtuar.
Gjendja e saj është jashtë rrezikut për jetë.
Organet e drejtësisë kanë nisur hetimet për zbardhjen e këtij rasti, të cilin e kanë klasifikuar si “Vetëvrasje në tentativë”.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
