Opoja.net

Vidhet një veturë në Prizren

Një veturë e tipit ‘Opel Corza’ është vjedhur mbrëmë në Prizren.

Një qytetar ka dërguar fotografinë e veturës në adresën e lajmi.net, ku ka kërkuar ndihmë nga qytetarët që nëse e shohin të lajmërojnë përmes numrit të telefonit që ka dhënë si mbishkrim të fotos.

248

Me çka po nxeheni në këto ditë të ftohta ?

Në lidhje me këtë, është kontaktuar Policia e Kosovës në rajonin e Prizrenit, për të konfirmuar rastin.

Vesel Gashi nga Policia e Prizrenit ka thënë se rasti është raportuar sot rreth orës 10.

Ai ka thënë se për momentin nuk ka të dyshuar mirëpo po punohet në zbardhjen e rastit.

“Rasti është raportuar sot rreth orës 10. Njësitet policore kanë dalur menjëherë në vendin e ngjarjes dhe po punohet në zbardhjen e rastit. Për momentin nuk ka të dyshuar”, ka thënë ai.

Kujtojmë, se kohëve të fundit janë shpeshtuar shumë rastet e grabitjeve dhe vjedhjeve në Kosovë.

Lidhur me këtë, ministria e Punëve të Brendshme ka paraparë edhe një plan veprimi.

Agjencia e Lajmeve
www.opoja.net