Norwich City e ka kompletuar transferimin e Milot Rashicës nga Werder Bremeni.
Anësori i Kosovës thuhet të ketë nënshkruar kontratë katërvjeçare, ndërsa nuk është bërë i ditur çmimi i transferimit.
24-vjeçari i kaloi tri sezone e gjysmë te Werderi, ku i shënoi 27 gola dhe dhuroi 19 asistime në 100 paraqitje në të gjitha garat.
Norwich City në sezonin 2021/2022 do të luajë në elitën e futbollit anglez, pasi në edicionin e kaluar e fitoi ligën e dytë në sistemin anglez të futbollit – Championship.
Rashica, i cili rrjedh nga klubi i Vushtrrisë, ishte pjese e Vitesses në Holandë gjatë viteve 2015-2018, para se të nënshkruante për Werder Bremenin. /Telegrafi/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
