Admir Mehmedi është pensionuar nga Kombëtarja e Zvicrës. Pasi shkroi historinë me ekipin helvetik, ai ka vendosur të “varë këpucët” sa i përket ekipit kombëtar.
Lajmin e ka bërë të ditur Federata Zvicerane e Futbollit përmes një postimi në llogarinë e saj në Twitter, përcjell Gazeta Express.
Ai arriti fazën çerekfinale me Zvicrën në këtë Evropian duke shkruar kështu historinë, pasi mposhtën në të tetën e finales kampionin aktual të botës, Francën, për t’u mposhtur pastaj në penallti nga Spanja.
Ai ishte pjesë e Zvicrës qysh nga viti 2006 me të gjitha grupmoshat, kurse me ekipin e seniorëve prej vitit 2011 duke qenë një lojtar standard në ekipin helvetik.
Ai është 30 vjeçar, por ka vendosur të tërhiqet nga ekipi kombëtar me një sukses të jashtëzakonshëm të arritur.
Momentalisht, Mehmedi është futbollist i ekipit gjerman, Wolfsburg.
The post Admir Mehmedi pensionohet nga Kombëtarja e Zvicrës appeared first on FaktePlus.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
