Opoja.net

Bëjeni të lumtur nënën tuaj, pastaj edhe Allahu do t’ju bëjë juve

Islame

Bamirësia ndaj nënës është një nga arsyet më të mëdha për fitimin e mëshirës së Allahut.

Ne të gjithë e dimë se çfarë lloj pozite zë nëna në fenë tonë islame. Pejgamberi (savs) na këshillon neve se nën këmbët e nënës gjendet xheneti, përkatësisht, duke i bërë mirë nënës mund të fitohet falja e mëkateve dhe hyrja në kopshtet e xhenetit, në të cilat besimtarët do të qëndrojnë përgjithmonë.

Kurani në shumë vende e përmend rëndësinë e bindjes ndaj prindërve, sidomos ndaj nënës:

“Ne e urdhëruam njeriun t’u bëjë mirë prindërve të vet, ngase nëna e vet me mundim e barti dhe me vështirësi e lindi, e bartja e tij dhe gjidhënia e tij zgjat tridhjetë muaj (e ai vazhdon të jetojë) derisa të arrijë pjekurinë e vet dhe kur t’i mbush dyzet vjet ai thotë: “Zoti im, më inspiro mua që të falënderoj për të mirën tënde që ma dhurove mua dhe prindërve të mi, që të bëj vepra të mira që i pëlqen Ti dhe m’i bën të mirë pasardhësit e mi, unë pendohem te Ti dhe unë jam me muslimanët.” (el-Ahkaf, 15)

Nga ana tjetër, mosbindja ndaj nënës është një nga mëkatet më të rënda që njeriu mund t’i kryejë, në mëkatet më shkatërruese për të cilat më së shpejti fitohet dënimi i kësaj bote, dënimi i ahiretit dhe zemërimi i Zotit.

Në këtë artikull do t’i përmendim disa rekomandime të mrekullueshme nga Dr. Salih Megamisi për rëndësinë e bamirësisë ndaj nënës si një mënyrë për lumturinë në të dy botët.

– Nëse nëna jote është ende gjallë, kushtoju asaj dhe bën gjithçka për ta bërë atë të lumtur. Betohem në Allahun, mënyra më e ndershme për t’iu afruar Allahut dhe për të arritur suksesin më të madh është t’i bëni prindërit tuaj të lumtur, e sidomos nënën. (…)

– Të bërit të lumtur nënën tuaj, është nga arsyet më të mëdha për të cilën do të arrini sukses tek Allahu.

– Të bërit të lumtur nënën është një nga gjërat e mëdha, e cila do të ndihmojë, që të shquhesh nga njerëzit e tjerë, me ndihmën e Allahut. Bëni gjëra të cilat do ta bëjnë atë të lumtur. Thirreni në telefon kur e dini se ajo do të jetë e lumtur që ta dëgjojë zërin tuaj.

– Një njeri erdhi te Ibn Abbasi (r.a.), dhe i tha atij se e kishte vrarë dikë. Ai e pyeti: ‘O kushëriri i Pejgamberit (savs), a mund të pendohem?’

Ibn Abbasi (r.a.), i tha atij: ‘A e ke nënën gjallë?’

Njeriu u përgjigj se nuk e kishte nënën gjallë.

Ibn Abbasi (r.a.), i tha: ‘O biri i vëllait tim, shtoje kërkimin e faljes dhe bëj vepra të mira’, pastaj njeriu u largua.

Ataa ibn Jesar (njëri nga studentët e Ibn Abasit) e pyeti: ‘O kushëriri i Pejgamberit (savs), pse e pyete atë, se a e ka nënën gjallë?”

Ibn Abbasi (r.a.), iu përgjigj: ‘Betohem në Allahun, se unë nuk di ndonjë vepër që mund të afrojë tek Allahu më tepër sesa sjellja e mirë ndaj nënës.’

Mos i humb

Probleme në rrugën e jetës islame”, një libër me vlerë në duart e rinisë islame…

Opoja.net

Nëse njerëzit e mirë nuk bëjnë asgjë, e keqja me siguri do të fitojë

Kushtrim Guraj

Anatomia e brengës

Kushtrim Guraj

Për një vatër familjare të gëzuar

Kushtrim Guraj

Llogaria e namazit

Opoja.net

“Bëni kujdes! Zemrat qetësohen dhe kënaqen vetëm duke përmendur Allahun”

Kushtrim Guraj
Agjencia e Lajmeve
www.opoja.net