Çfarë është burrëria?

Dijetarët islamikë, në bazë të Kuranit dhe Sunetit, kanë thënë se burrëria e vërtetë (ruxhuletun) reflektohet në atributet e mëposhtme:

– që ta madhërosh dhe lavdërosh Allahun me fjalë dhe vepra,

– që të jesh i gatshëm të heqësh dorë, të japësh dhe të sakrifikosh,

– që t’i bësh mirë atij që të bën mirë, por të mos ia kthesh me të keqe atij që të bën keq,

– që t’i respektosh njerëzit tjerë, ta respektosh mendimin e tyre dhe mos t’i nënvlerësosh ata,

– që gjithnjë ta flasësh të vërtetën, ta shpallësh atë dhe në këtë drejtim mos të frikësohesh nga qortimi i askujt,

– që gjithkujt t’ia japësh të drejtën e tij,

– që ta dëshirosh për të tjerët atë që dëshiron për vete,

– që të qëndrosh në anën e të dëmtuarit, atij që i është bërë padrejtësi, e kundër zullumqarit,

– që të jesh i gatshëm tu ndihmosh nevojtarëve në çdo situatë,

– që ta njohësh vlerën tënde dhe aftësitë tua dhe të mos dalësh përtej mundësive tua,

– që gjithmonë të jesh i gatshëm t’ia fshish lotët dhe ta ngushëllosh të pikëlluarin,

– që të shtrihesh i qetë në shtrat, sepse e di se je i pastër nga zullumi ndaj të tjerëve,

– burrëria është fisnikëri, guxim, mençuri dhe njerëzi në kuptimin e tyre të plotë.

Përshtati: Miftar Ajdini

(Islampress)