Ai që ju do deri sa
të sheh që i keni mbyllur sytë, është nëna juaj, kurse ai që ju do edhe pa u
parë kjo në sytë e tij, është babai juaj.
Nëna ju sjell në këtë
botë, kurse babai përpiqet t’ju njoftojë me botën.
Nëna jua jep jetën, kurse
babai ju mëson se si ta jetoni këtë jetë.
Nëna kujdeset nëse
jeni të uritur, kurse babai jua mëson vlerat e urisë.
Nëna tek ju e
zhvillon kujdesin dhe brengën, kurse babai tek ju e zhvillon përgjegjësinë.
Nëna ju ruan të mos
rrëzoheni, kurse babai ju mëson se si të ngriheni pasi të rrëzoheni.
Nëna ju mëson se si
të ecni në këmbët tuaja, kurse babai ju mëson se si të ecni shtigjeve të jetës.
Nëna pasqyron
përsosmërinë dhe bukurinë, kurse babai pasqyron realitetin dhe seriozitetin.
Dashurinë e nënës e
njihni që nga lindja, ndërsa dashurinë e babait e njihni kur të bëheni baba.
Prandaj, tregoni
gjithmonë dashuri ndaj nënës dhe babait tuaj dhe thoni: “Zoti im, ki mëshirë
për ta, ata më kanë rritur dhe edukuar kur isha fëmijë!”
Dr. Xhasim el-Mutawa
Përkthim: Miftar Ajdini
(Islampress)
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
