Drejtoria e arsimit në Dragash më 1 shtator do të jetë e gatshme që mësimi të fillojë në të gjitha shkollat e komunës së Dragashit, shkruan Portali Opoja.net
Drejtori i DKA-së në Dragash, Vloran Cenaj, ka thënë se viti shkollor 2020/21 nuk do të jetë vit i zakonshëm shkollor, andaj të gjithë akterët duke filluar nga drejtorët e shkollave, mësimdhënësit, nxënësit dhe prindërit duhet të mobilizohen për fillimin e vitit të ri shkollor sipas planit të veprimit.
Në intervistën për Portalin Opoja.net, ai ka theksuar se është hartuar një master plan me cilin skenar do të zhvillohet mësimi.
Rikthimi i plotë në institucion parafillor/shkollë me masa për siguri dhe shëndet sipas protokolit Covid-19.
Mësimi në grupe të vogla prej 15-20 nxënëseve (gjithmonë duke e respektuar distancën prej 1.5 m).
Raportim i rregullt të mungesave të lidhura me COVID-19.
Lëndët dhe fondi javor i orëve për klasën 1-9 janë të reduktuara për 25% .
“Mësimi do të mbahet sipas skenarit A, megjithatë jemi të mobilizuar edhe sipas skenarit B ku parasheh rikthim të pjesshëm në institucionin parafillor/shkollë me masa për siguri dhe shëndet sipas protokolit Covid-19, mësimi në grupe të vogla prej 10 nxënësve gjithmonë duke respektuar distancën prej 1.5m, mësimdhënësit plotësojnë mësimin online përmes platformës përkatëse”, ka thënë Cenaj duke përfunduar se Komuna dhe Ministria e Arsimit së bashku do të mbiëqyrin mbarëvajtjen e mësimit.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
