Buka është një nga lëndët ushqimore më komplete.
Ajo i sjell organizmit substancat ushqyese më të nevojshme dhe vitale: makro-substancat (proteinat, hidrytet të karbonit, yndyrat) dhe mikro-substancat ushqyese (mineralet, vitaminat etj.).
Buka është burim interesant i proteinave me prejardhje bimore. Normalisht kur vjen puna te mirëqenia e organizmit tonë, njeriu bën disa zgjedhje. Dhe natyrshëm lind pyetja: cila është më e mirë për organizmin tonë, buka e grurit apo ajo e misrit?
Buka e grurit është më e preferuar nga të gjithë, por është kategori njerëzish që do të ishte mirë të konsumonin sa më shumë bukë misri.
Kjo për disa arsye të thjeshta:
Misri vazhdon të jetë numër një për të mbajtur konstante nivelin e kolesterolit në gjak, pasi ul ndjeshëm grafikun e yndyrës në gjak, transmeton noa.al. Ai luan rol në prodhimin e energjisë trupore te njeriu.
Misri është një burim i vërtetë proteinash dhe vitaminash. Në një studim të bërë me meshkuj, të cilët kishin kolesterol të lartë, pas një trajtimi me produkte misri, si dhe me ushqime të varfra në yndyrë, u arrit në rezultate mjaft të kënaqshme.
Misri gjithashtu është burim energjie, sepse përmban vitaminën B, të domosdoshme për njeriun.
Në vendin tonë një përdorim të veçantë ka zënë buka e misrit dhe gjithmonë është rekomanduar për njerëzit që vuajnë nga hipertensioni.
Rezultatin më të mirë e jep nëse konsumohet me kos, i cili duhet të ketë sa më pak yndyrë.
Opojanet synon të ndihmojë në lartësimin dhe vetëdijesimin e dijes dhe kulturës për trevën tonë. Kontributi juaj do të na ndihmojë në vazhdimin e këtij misioni. Ju faleminderit! Kontriboni KËTU.
