Ibnul-Kajjim el-Xhevzij
ka thënë:
“Kurani dhe Suneti
na mësojnë se shpërblimi është në përputhje me veprën, dmth. se shpërblimi
është i të njëjtit lloj si vepra, pavarësisht se a bëhet fjalë për vepër të
mirë apo të keqe, e cila shihet qartë nga transmetimet e mëposhtme:
– Kush e mbulon
turpin e një muslimani, Allahu do ta mbulojë turpin e tij.
– Kush e lehtëson një
të zhytur në borxhe (duke ia shtyrë ose falur borxhin), Allahu do ta lehtësojë atë
edhe në dynja edhe në ahiret.
– Kushdo ia largon një telashe besimtarit në
këtë botë, Allahu do t’ia largojë atij një telashe në Ditën e Gjykimit.
– Kush i hulumton të
metat e një muslimani, Allahu do t’ia zbulojë të metat e tij.
– Kush i bën dëm një
muslimani, Allahu atë dëm do t’ia kthejë vetë atij.
– Kush ia
vështirëson gjendjen një muslimani, Allahu do t’ia vështirësojë gjendjen e tij.
– Kush e tradhton
një musliman kur ai ka nevojë për ndihmë, Allahu do të bëjë që edhe ai të
tradhtohet kur të jetë më i nevojshëm.
– Për ata që janë të
mëshirshëm, do të ketë mëshirë Mëshirëploti. Mëshira e Allahut është më e afërt
me ata që janë të mëshirshëm.
– Kush jep, edhe
atij do t’i jepet.
– Kush e tejkalon
fyerjen dhe fal, Allahu atë do ta falë.
Ky është ligji i
Allahut, dekreti i Tij, shpallja e Tij, shpërblimi dhe dënimi i Tij, dhe e
gjithë kjo bazohet në themelin dhe parimin e përmendur.
Andaj, zgjidhni
rrugën dhe llojin e shpërblimit që dëshironi.”
Përkthim:
Miftar Ajdini
