Mjeku një herë në jetë ma ka larguar dhimbjen dhe i jam mirënjohës pamasë, ndërsa sa herë Allahu mi ka larguar vuajtjet dhe unë nuk i jam mirënjohës!
Plaku në vitet e 80-ta të moshës kishte bllokim të kanalit urinar dhe pengesë të urinimit, kështu që djemtë e tij me nxitim e dërguan në spital. Sapo mjeku ia vendosi kateterin, iu mundësua urinimi. Plaku psherëtiu thellë në shenjë lehtësimi, sepse i pushuan dhimbjet e padurueshme.
Djemtë e tij iu afruan mjekut dhe e falënderuan për ndërhyrjen e suksesshme,
pastaj u kthyen te babai i tyre, të cilin e gjetën me sytë e mbushur me lot.
Djemtë filluan ta qetësojnë, duke i thënë se problemi tashmë ishte
zgjidhur, andaj pse po qante kaq shumë?
Plaku u qetësua për një moment, pastaj tha: “O djemtë e mi, mjeku më
ndihmoi vetëm një herë, dhe të gjithë ne e ndiem ndihmën dhe bamirësinë e tij, kështu
që e falënderuam shumë herë për ndihmën dhe bamirësinë e tij. Unë tash e
kuptova se Allahu i Plotfuqishëm po më mbulon me fisnikërinë dhe dashamirësinë
e Tij tash 80 vjet, por fatkeqësisht, unë nuk e kam ndierë mirësinë e Tij në
këtë mënyrë. Mjeku një herë në jetë ma largoi dhimbjen dhe unë i jam mirënjohës
pamasë, ndërsa sa herë Allahu mi ka larguar dhimbjet dhe vuajtjet për 80 vjet, dhe
unë nuk jam mirënjohës ndaj Tij!?
Ne jemi mësuar aq shumë me begatitë që na ka dhënë Allahu, sa që, edhe kur
dikush na pyet për gjendjen tonë, ne thjesht i themi: “Nuk ka asgjë të
re!”, sikur me këtë dëshirojmë të shprehim pakënaqësi për gjendjen
tonë, edhe pse asgjë nuk na mungon. Si nuk i ndiejmë begatitë e panumërta të
Allahut dhe mëshirën, të cilat Ai na i dhuron, dhe pse nuk jemi falënderues
ndaj Tij për këto begati?!
Para disa ditësh, e pashë një djalosh, të cilit ia kishin amputuar duart, dhe
ai pjesën më të madhe të punëve i bënte me këmbët e tij, edhe pse ende ishte
fëmijë.
Le ta krahasojmë vetveten me atë djalosh!
Le t’i krahasojmë mundësitë tona me mundësitë e tij dhe trupin tonë me
trupin e tij!
Atëherë do të na bëhet e qartë se sesa begati e madhe është begatia e duarve
që na i ka dhënë Allahu.
Le të mos harrojmë se begatitë zgjasin dhe mbijetojnë duke e falënderuar Allahun
e Plotfuqishëm.
/Saff.ba; Dr. Hasan Shemsi Pasha/
Përkthim: Miftar Ajdini
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
