Shumica e njerëzve e marrin celularin sapo zgjohen. Kjo nuk ka të bëjë me fikjen e alarmit, por me kontrollimin menjëhershme të mediave sociale dhe lajmeve ndërsa jeni gjysmë në gjumë.
Dr. Johannes Wimmer pohon se kjo është një shprehi që duhet ta heqim qafe, duke shtuar se duhet t’i lejojmë vetes një moment për t’u ndërgjegjësuar për fenomenin.
“Mjafton një deri në dy minuta pa celular. Nuk është shumë, por është tepër e mirë”, ka deklaruar ai.
Wimmer shprehet se pas këtij ndryshimi, do të filloni të zgjoheni ndryshe dhe se kjo gjë e vogël do ta ndryshojë gjithë ditën tuaj.
Hulumtimi i kryer në vitin 2015 nga kompania konsulente Deloitte tregoi se deri në 43 për qind e konsumatorëve kontrollojnë celularët e tyre brenda 5 minutave pas zgjimit dhe 17 për qind e tyre menjëherë kur zgjohen.
Reklama
Me fjalë të tjera, për 60 për qind të të anketuarve, celulari është gjëja e parë që u vjen në mendje në mëngjes. Ky është një nga treguesit e varësisë digjitale të shoqërisë. /Telegrafi/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
